Рубрика: Թևավոր խոսքեր

10 մեջբերում՝ Ջոն Գրինի «Անվերջ կրիաներ» գրքից

16-ամյա Ազան երբևէ չէր հետամտել քննելու անհայտ կորած միլիարդատեր Ռասել Փիքեթի առեղծվածը, սակայն հարյուր հազար դոլարը գայթակղիչ է, իսկ նրա լավագույն և ամենաանվախ ընկերուհին՝ Դեյզին, ցանկանում է անպայման այդ հետաքննությունն անել: Այսպիսով, երկուսով դուրս են գալիս Ռասել Փիքեթի որդու՝ Դեյվիսի հետքի վրա: Ազան փորձում է լինել լավ դուստր, լավ ընկեր, լավ ուսանող և գուցե անգամ լավ դետեկտիվ՝ այդ ընթացքում պարփակված լինելով իր սեփական մտքերի, հոգեբանական խնդիրների սեղմող հորձանուտում: «Ալյասկայի որոնումներում» և «Աստղերն են մեղավոր» գրքերի հեղինակ, մրցանակակիր գրող Ջոն Գրինը այժմ կիսվում է Ազայի պատմությամբ, որը սիրո, դիմացկունության և հարատև ընկերության ուժի մասին մի հիասքանչ նովել է:

Ձեզ ենք ներկայացնում մեջբերումներ գրքից:

★Երջանիկ ավարտները կամ այնքան էլ երջանիկ չեն, կամ էլ դեռ ավարտ չեն:

★Հասկանում եմ, որ ոչինչ հարատև չէ: Բայց ինչո՞ւ եմ բոլորին կարոտում:

★Ապրել՝ նշանակում է կարոտել:

★Սերը ողբերգություն կամ ձախողում չէ, այլ՝ պարգև:

★Կյանքը պատմություն է, որ պատմում են քո մասին, և ոչ թե այն, ինչ ինքդ ես պատմում:

★Շատ քիչ է պատահում, երբ գտնում ես մեկին, ով տեսնում է նույն աշխարհը, ինչ դու:

★Միգուցե դու այն ես, ինչ չես կարող չլինել:

★Ինչ-որ մեկին կորցնելուց հետո ես հասկանում, որ վաղ թե ուշ բոլորին կորցնելու ես:

★Դու իրական ես, ոչ որովհետև մարմին ունես, այլ որովհետև մտածում ես:

★Լինել խոցելի նշանակում է այնպես անել, որ մարդիկ քեզ օգտագործեն:

Реклама
Рубрика: Թևավոր խոսքեր

Հեղինակավոր կարծիքներ՝ Ջոն Գրինի «Անվերջ կրիաներ» գրքի մասին

★«Այս վեպն ընթերցողի համար Գրինի ստեղծագործություններից ամենաբարդն է: Այն նաև ամենից ապշեցուցիչն է: … Այնքան զարմանալի, հուզիչ և իրական էր, որ ցնցեց ինձ: … Անպայման չէ Ազայի նման տառապել` նրա հետ նմանություններ գտնելու համար: Պետք է ընդամենը մարդ լինել», — «Նյու Յորք Թայմզ»:

 

★«Նուրբ պատմություն այն մասին, թե ինչ անել, երբ կարծես ամեն բան վերահսկողությունից դուրս է», — «Փիփլ»:

 

★«Գրինը գտնում է բառեր՝ աննկարագրելին նկարագրելու համար: … Հոգեկան առողջության խնդիրների դեմ պայքարող մարդիկ, նրանց ընկերներն ու ընտանիքի անդամները պետք է սա կարդան», — «Սան Ֆրանցիսկո Քրոնիքլ»:

 

★«Ազդեցիկ պատմություն դեռահասների (և մեծահասակների) համար՝ տագնապների, սիրո և ընկերության մասին», — «Լոս Անջելես Թայմզ»:

 

★«Այս գիրքը մի դաս է, որի կարիքն այժմ այդքան ունենք. այո, նորմալ չլինելը նորմալ է: … Ջոն Գրինը ստեղծել է մի վեպ, որը խիստ անկեղծ է, երբեմն՝ տանջալից, և միշտ՝ խորամիտ», — «Մեշըբըլ»:

 

★«Գրինը պարզապես ինչ-որ բանի մասին չի գրում, նա փորձում է էությունը գրել: … Պարույրի որ հատվածում էլ գտնվենք, Գրինի վեպը ուղևորությունը պակաս միայնակ է դարձնում՝ անկախ ուղղությունից», — «Գլոուբ Ընդ Մեյլ»:

 

★«Ուշադիր հայացք հոգեկան առողջության խնդիրներին և ուժասպառ անող օբսեսիվ-կոմպուլսիվ խանգարումին, ինչը ստիպում է զգալ գլխավոր հերոսի մշտական պայքարը: … Գիրքն ուսումնասիրում է երջանիկ ավարտների սահմանումը, այն, թե արդյոք սերը ողբերգություն է կամ՝ ձախողում, և սովորեցնում է, որ «Պետք է գործես նրանով, ինչ ունես»», — «ՅուԷսԷյ Թըդեյ»:

 

★«Վշտալի և բացահայտող վեպ», — «Նյու Յորք Թայմզ»:

 

★«Նուրբ, խոհեմ և խոստումնալից», — «Ուոլ Սթրիթ Ջըրնըլ»:

 

★«Նոր ժամանակակից դասական», — «Գարդիըն»:

★«Գրինի մինչ օրս ստեղծած գործերից ամենաանկեղծն ու հավակնոտը», — «Բասըլ»:

 

★«Դեռահասի էքզիստենցիալ ճիչ», — «Ոքս»:

 

★«Զվարճալի, խելացի և բնակեցված գրավիչ հերոսներով», — «Էնթըրթեյնմընթ Ուիքլի»:

 

★«Անհավատալիորեն ազդեցիկ պատմություն հոգեկան անառողջ վիճակից բխող տանջանքի, երիտասարդության դժվարությունների, մոտալուտ հասունության, լիարժեք չզգալու մասին», — «Շելֆ Ըուերնես»:

 

★ «Մեծապես գոհացնող ընթերցում: … Գրինի մինչ օրս ստեղծած աշխատանքներից ամենահասունը, որը բոլոր սպասվող գովեստներին արժանի է», — «Բուքլիսթ»:

 

★ «Մի ժամանակաշրջանում, երբ գրեթե յուրաքանչյուր շաբաթ մտահոգիչ իրադարձություններ են տեղի ունենում, խորը կարեկցանք առաջացնող այս վեպը, որը դևերի հետ ապրելու և սեփական ոչ կատարյալ անձը սիրել փորձելու մասին է, պատեհ է և կարևոր», — «Փաբլիշըրզ Ուիքլի»:

 

★ «Խորապես հնչեղ և ազդեցիկ վեպ, որը տխրեցնում, բայցև տեղեկացնում ու կրթում է ընթերցողին: Այս գիրքը պետք է ունենալ», — «Սկուլ Լայբրըրի Ջըրնըլ»:

Рубрика: Թևավոր խոսքեր

18 մեջբերում Շարլոթ Բրոնթեի «Ջեյն Էյր» գրքից

 

  1. Այն, ինչ փայլում է, դեռ ոսկի չէ։
  2. Դու մրսում ես, որովհետև մենակ ես՝ ոչինչ չի սնում քո մեջ թաքնված կրակը։
  3. Չկա ավելի մեծ երջանկություն, քան այն, երբ տեսնում ես, որ մարդիկ քեզ սիրում են և զգում ես, որ քո ներկայությունը նրանց սփոփանքի լրացումն է։
  4. Իմ կարծիքով կյանքը չափազանց կարճ է, ու պետք չի այն վատնել հոգում թշնամություն կուտակելու և վիրավորանքները հիշելու համար։
  5. Երբեմն մեկ բառը ավելի ջերմ կարող է հնչել, քան բառերի մի ամբողջ բազմություն։
  6. Մի՞թե ավելի լավ է հարազատիդ հուսահատության մատնելը, քան մարդկային օրենքները տրորելը, եթե դա ոչ ոքի չի վնասի։
  7. Մեծ վիշտը, ինչ էլ ասեն, մեծ հանգստություն է։
  8. Ոչ մի մարդկային էակ, որը երբևիցե ապրել է աշխարհում, չէր կարող տենչալ ավելի ուժեղ սեր, քան այն, որ ինձ էր բաժին ընկել, իսկ նրան, ով ինձ այդպես սիրում էր, ես պաշտում էի։ Եվ ես պետք է հրաժարվեի այդ սիրուց ու կուռքից։ Մի սոսկալի բառ հիշեցնում էր ինձ իմ տանջալից պարտականության մասին՝ «հեռանալ»։
  9. Նա ինձ ներել էր, բայց չէր մոռացել այդ բառերը և քանի դեռ ապրում ենք, դրանք երբեք չէր մոռանա։
  10. Ավելի լավ է համբերությամբ տանել վիրավորանքը, որը քեզնից բացի ուրիշ ոչ ոք չի զգում…
  11. Դու պարտավոր ես տանել այն ամենը, ինչից որ չես կարող խուսափել։ Միայն թուլակամ և հիմար մարդիկ են ասում, որ չեն կարող տանել այն, ինչ նրանց վիճակված է ի վերուստ։
  12. Փակ մարդիկ հաճախ ավելի շատ պահանջ են զգում բացահայտ կերպով քննարկելու իրենց զգացմունքներն ու վշտերը, քան անզուսպ մարդիկ։
  13. Կգա մի օր, երբ դեմ կառնեք ժայռոտ գետին, որտեղից կյանքի ամբողջ հոսանքը կփոխվի և կդառնա փրփրադեզ, շառաչող ու աղմկալից ջրապտույտ։ Եվ կամ դուք կդիպչեք ժայռերին ու կջախջախվեք, կամ մի որևէ հուսատու ալիք ձեզ վեր կբարձրացնի, կտանի ու կնետի մի ավելի խաղաղ հորձանքի մեջ, ինչպես ինձ տարավ։
  14. Եթե դուք սկսեք վախենալ մարդկանցից, նրանք Ձեզ չեն սիրի։
  15. Երբ մեզ հարվածում են առանց պատճառի, մենք պետք է ավելի ուժեղ հարվածով պատասխան տանք, և այն էլ այնպիսի մեծ թափով, որպեսզի մարդիկ այլևս մեզ վրա ձեռք չբարձրացնեն։
  16. Ձեր ապագա կյանքում հաճախ կզգաք, որ ակամայից դարձել եք ձեզ մոտիկ մարդկանց գաղտնիքների վստահելին։ Մարդիկ բնազդորեն կզգան, ինչպես և ես, որ դուք հակում չունեք պատմելու ձեր մասին, բայց որ պատրաստ եք լսելու ուրիշների պատմածները իրենց մասին։ Նրանք կզգան նաև, որ դուք լսում եք նրանց թեթևամտության մասին ոչ թե չարախինդ արհամարհանքով, այլ ինչ-որ բնածին համակրանքով, որը ոչ պակաս կարող է սփոփել ու խրախուսել, որովհետև վերին աստիճանի զուսպ ու համեստ եք։
  17. Ինչու պետք է մերժեի, երբ մենք երկուսս միասին շատ ավելի երջանիկ էինք, քան իրարից հեռու։
  18. Ոչ մի բան այնքան անիմաստ ու անհիմն չէ, երբ ստիպված ես քարշ տալ օրերդ, ակնկալելով որ հանգամանքների մեջ կկատարվի ինչ-որ անհնարին փոփոխություն, որը նորից կմիացնի ինձ նրա հետ։

 

Рубрика: Պարզապես գրառում

Հետաքրքիր փաստեր Քըրք Քըրքորյանի մասին

— Քըրք Քըրքորյանը գումար սկսել է վաստակել 9 տարեկանից՝ թերթեր վաճառելով:

— 8-րդ դասարանում թողել է դպրոցը: Զբաղվել է բռնցքամարտով:

— 23 տարեկանում ստացել է օդաչուի որակավորում և շուրջ 2,5 տարի ծառայել Մեծ Բրիտանիայի օդային ուժերում՝ ռազմական ինքնաթիռներով չվերթներ իրականացնելով Կանադայից Եվրոպա: Յուրաքանչյուր թռիչքի դիմաց ստացել է 1000 ԱՄՆ դոլարի աշխատավարձ: Ծառայության ընթացքում կուտակած գումարներով էլ Քըրքորյանը կատարել է իր առաջին քայլերը բիզնեսի աշխարհում:

— Քըրքորյանի առաջին խոշոր գնումը եղել է Cessna ինքնաթիռը, որով նա սկսել է մասնավոր չվերթներ իրականացնել: Հետագայում նա 60 հազար ԱՄՆ դոլարով գնել է Los Angeles Air Service չարթերային ավիաընկերությունը, որը մի քանի տարի անց վաճառել է 104 միլիոն դոլարով:

— 1965 թվականին Քըրքորյանը դարձել է ԱՄՆ Հեռահաղորդակցությունների արդյունաբերական միության սեփականատերը: Քըրքորյանի «շնորհիվ» ԱՄՆ-ում բնակվող հայերը սկսել են գնել այս միության արժեթղթերը, ինչի արդյունքում արժեթղթերի գինը աճել է մի քանի անգամ՝ Քըրքորյանի համար ապահովելով զգալի եկամուտներ:

— Քըրքորյանի ամենահաջող գործարքը համարվում է Լաս Վեգասում 960 հազար ԱՄՆ դոլարով հողատարածքի գնումը: Այս հողատարածքի առանձին հատվածները տալով վարձով՝ Քըրքորյանը վեց տարում, մինչ հողատարածքի վաճառելը, աշխատել է մոտ 4 միլիոն ԱՄՆ դոլար:

— Քըրքորյանի խոշոր բիզնես նախագծերից մեկը՝ MGM հյուրանոցը, համարվում է Լաս Վեգասում կառուցված հանգստի և ժամանցի առաջին մեգա-համալիրը:

— Քըրքորյանը ներդրումային հետաքրքրություններից շրջանակում հայտնվել է նաև հոլիվուդյան կինոարտադրությունը: Քըրքորյանը գնել է Metro Goldwyn Mayer կինոընկերության, ինչպես նաև United Artists-ի, Columbia Pictures-ի և 20th Century Fox-ի բաժնետոմսեր:

— 1980-ականներին Քըրքորյանը դարձել է ամերիկյան Chrysler ընկերության, հետագայում նաև General Motors ընկերության բաժնետեր:

— Քըրքորյանի հիմնադրած «Լինսի» հիմնադրամը 151 մլն ԱՄՆ դոլար է տրամադրել Հայաստանին՝ ճանապարհների վերակառուցման, մշակութային հաստատությունների վերանորոգման, աղետի գոտու բնակարանաշինարարության, 21 մլն դոլար՝ Հայաստանում փոքր և միջին ձեռներեցության զարգացման համար։

***

Ամերիկահայ գործարար, միլիարդատեր, բարերար, «Տրասինդա Քորփորեյշնի» գործադիր տնօրեն, Հայաստանի ազգային հերոս Քըրք Քըրքորյանի մասին պատմող «Խաղացողը» գիրքը թարգմանվում է հայերեն: Ամերիկայի Միացյալ Նահանգներում լույս տեսած եւ արդեն իսկ բեսթսելեր դարձած գրքի հեղինակը Ուիլյամ Չ. Ռեմփելն է: Գիրքը հայ ընթերցողին կներկայացվի «Էդիթ Պրինտ» հրատարակչության նախաձեռնությամբ. վերջինս ձեռք է բերել գիրքը հայերեն թարգմանելու եւ հրատարակելու բացառիկ իրավունքը: Գրքի թարգմանիչն է Ալինա Միրզոյանը, աշխատանքներն այս պահին ընթանում են մեծ թափով:

Рубрика: Պարզապես գրառում

Շառլ Ազնավուրի «Հայր Գորիո»-ն

Լեգենդար երգիչ, դերասան, հասարակական գործիչ Շառլ Ազնավուրի աներևակայելի տաղանդն իր արտացոլումն է գտել ոչ միայն երգարվեստում, այլև կինոյում: Ազնավուրը նկարահանվել է 60-ից ավելի կինոնկարներում՝ «Հռենոսի անցումը», «Սատանան և տասը պատվիրանները», «Արարատ» և այլն: Բալզակյան «Հայր Գորիո»-ի՝ 2004 թվականի էկրանավորումն Ազնավուրի բազմակողմանի տաղանդի վառ արտացոլումներից է: Ազնավուրի Գորիոն առաջին իսկ վայրկյաններից գրավում է կինոդիտողին, յուրատեսակ կապվածություն, կարեկցանք առաջացնում: Նվիրված հայր՝ զրկված զավակների ջերմ սիրուց, երեխայի երջանկությունն առաջնայինը դասող ծնող: Էլ ո՞վ, եթե ոչ Ազնավուրը՝ մեծանուն հայը, կկարողանար նման դեր կերտել:

Ֆրանսիացի նշանավոր գրող Օնորե դը Բալզակի «Հայր Գորիո» վեպը ներկայանում է բոլորովին նոր շնչով:  Լեգենդ Շառլ Ազնավուրի թույլտվությամբ «Հայր Գորիո»-ի հայերեն թարգմանության շապիկին կադր է համանուն ֆիլմից:«Էդիթ Պրինտ» հրատարակչության լույս ընծայած «Հայր Գորիո» նոր գրքի շապիկին Ազնավուրի Հայր Գորիոն է՝ իր ողջ հմայքով:

«Հայր Գորիո» վեպի մասին Բալզակն ասում է. «Լավ իմացեք՝ այս դրաման ո՛չ հնարանք է, ո՛չ վեպ: Ամբողջը ճշմարտություն է, այն աստիճանի ճշմարտություն, որ յուրաքանչյուրը սրա սաղմերը կգտնի իրենում, հնարավոր է՝ իր սրտում»: Այս իմաստով «Հայր Գորիո»-ն հանդիսանում է իր ժամանակի հայելին:

Рубрика: Թևավոր խոսքեր

15 մեջբերում Բալզակի «Հայր Գորիո» վեպից

Ֆրանսիացի նշանավոր գրող Օնորե դը Բալզակի «Հայր Գորիո» վեպը ներկայանում է բոլորովին նոր շնչով: Լեգենդար երգիչ, դերասան, հասարակական գործիչ Շառլ Ազնավուրի թույլտվությամբ «Հայր Գորիո»-ի հայերեն թարգմանության շապիկին կադր է համանուն ֆիլմից:
«Հայր Գորիո» վեպի մասին Բալզակն ասում է. «Լավ իմացեք՝ այս դրաման ո՛չ հնարանք է, ո՛չ վեպ: Ամբողջը ճշմարտություն է, այն աստիճանի ճշմարտություն, որ յուրաքանչյուրը սրա սաղմերը կգտնի իրենում, հնարավոր է՝ իր սրտում»: Այս իմաստով «Հայր Գորիո»-ն հանդիսանում է իր ժամանակի հայելին:

 

  1. Լիլիպուտային հոգիների տեր մարդկանց ամենաողորմելի սովորություններից մեկն էլ այն է, որ կարծում են, թե դիմացինն էլ մանր հոգի ունի:
  2. Ազնիվ մարդը պետք է ամենուրեք պահի իր արժանապատվությունը:
  3. Մաքուր հոգիները երկար չեն ապրում այս աշխարհում: Եվ իսկապես, մեծ զգացուներն ինչպես կարող են համատեղվել ցածր, չնչին և մակերեսային հասարակության հետ:
  4. Երբ մարդ խաբում է, նա այլևս անհաղթահարելի կերպով ստիպված է լինում սուտը ստի ետևից գլորել:
  5. Աշխարհը մի աղբանոց է, աշխատեք մնալ բարձունքներում։
  6. Կյանքը խոհանոցից լավ չէ․ նրա նման հոտում է, և անպայման պետք է, որ մարդս ձեռքերը կեղտոտի, եթե ուզում է ճաշակել։ Միայն իմացեք, որ պետք է լվացվել, պետք է մաքուր երևալ․ այդտեղ և միայն այդտեղ է մեր դարաշրջանի ամբողջ բարոյականությունը։
  7. Մարդն ամենուրեք նույնն է. ամենուրեք հաստատված է հարուստի և աղքատի կռիվը, ամեն տեղ դա անխուսափելի է, ավելի լավ է ուրեմն շահագործող լինել, քան թե շահագործվող:
  8. Վարվեք մարդկանց հետ ըստ նրանց ունեցած արժանիքների:
  9. Կատարյալ մարդ չկա: Մարդ ասածը առավել կամ նվազ չափով կեղծավոր է:
  10. Կա՞ ավելի գեղեցիկ բան, քան երբ նայում ես կյանքիդ վրա և գտնում ես, որ նա մաքուր և անարատ է:
  11. Փողն արժեք է ստանում միայն այն ժամանակ, երբ չքանում են զգացմունքները:
  12. Սերը կրոնի նման է, և նրա պաշտամունքը բոլոր մնացած կրոնների պաշտամունքից ավելի թանկ արժե:
  13. Ինչքան ուժեղ և անկեղծ է սերը, այնքան նա պիտի լինի թաքուն ու խորհրդավոր:
  14. Անհաջողությունը միշտ թև է տալիս մեր հանդուգն հավակնություններին:
  15. Սկզբունքներ գոյություն չունեն․ կան միայն դեպքեր։  Օրենքներ գոյություն չունեն․ կան միայն հանգամանքներ։  Մեծ մարդը նա է, ով դեպքերն ու հանգամանքներն իրար մոտ է բերում, կապում և առաջ վարում նրանց։

 

 

Рубрика: Գրքերի աշխարհում, Թևավոր խոսքեր

10 մեջբերում Ռեմարկի «Հաղթական կամարը» գրքից

«Հաղթական կամարը» գերմանացի գրող Էրիխ Մարիա Ռեմարկի աշխարհահռչակ վեպերից է: Այն Երկրորդ համաշխարհային պատերազմի ժամանակաշրջանի դասական գործերից է, որն առաջին անգամ տպագրվել է Ամերիկայի Միացյալ Նահանգներում 1945 թվականին։

1939 թվականն է: Չնայած գերմանացի բժիշկ և Փարիզում ապրող գաղթական Ռավիկին օրենքով արգելված է վիրաբուժությամբ զբաղվել, նա երկու տարի շարունակ բուժում է քաղաքի ամենահեղինակավոր քաղաքացիներին երկու ոչ այնքան հմուտ ֆրանսիացի բժիշկների օգնությամբ:

Նա շարունակ հետապնդվում է նացիստների կողմից և սիրո հնարավորության ոչ մի հույս անգամ չունի, սակայն կյանքը զարմանալի շրջադարձներ ունի ռոմանտիկների համար անգամ ամենից անբարենպաստ ժամանակներում: Ձեզ ենք ներկայացնում 10 մեջբերում Ռեմարկի «Հաղթական կամարը» գրքից:

 
  1. Երբ մահանում ես, դառնում ես մի տեսակ անսովոր կարևոր մեկը, իսկ քանի դեռ ողջ ես, ոչ ոք քեզնով չի հետաքրքրվում։
  2. Ազատ է միայն նա, ով կորցրել է այն ամենը, ինչի համար արժե ապրել։
  3. Վիրավորանքից կարելի է պաշտպանվել, իսկ խղճահարությունից ՝ երբեք։
  4. Այն, ինչ մարդ փողով կարող է գլուխ բերել, շատ էժան է։
  5. Զղջումը ամենաանօգուտ բանն է աշխարհում։ Ոչինչ հնարավոր չէ հետ բերել։ Ոչինչ հնարավոր չէ ուղղել։ Այլ կերպ, մենք սրբեր կլինեինք։
  6. Կյանքը չափազանց լուրջ բան է, որպեսզի ավարտվի ավելի շուտ, քան մենք դադարում ենք շնչել։
  7. Եթե միևնունն է ոչինչ անել հնարավոր չէ, ապա ինչո՞ւ հասցնել ինքդ քեզ խելագարության։
  8. Նա՝ ով ոչնչի չի սպասում, չի հիասթափվի։
  9. Հաղթանակը ծնում է անհոգություն։
  10. Կյանքում քիչ բան կա, որ կարևորությունը երկար է պահպանում։